انظرماذا قال الرجل لصاحب المزرعه
واحد شغال فى مزرعه وغاب يوم من الشغل فصاحب المزرعه قال يمكن عايز زياده في مرتبه فزوده ضعف مرتبه ، تاني يوم غاب برضوا فصاحب المزرعه غضب وخصم منه الزياده اللي اديهاله فصاحبنا ده قام خد المرتب وسكت ، فصاحب المزرعه اندهش وقالوا امرك غريب انا زودتك ولا اتكلمت ولا شكرت ! ولما جيت نقصتك لا زعلت ولا اتكلمت ! فصاحبنا رد عليه وقال له لما زودتني مراتي كانت حامل فقولت اكيده ده رزق المولود الجديد ولما خصمتهم كان المولود ماات فقولت ده رزقه وانقطع ، سيدنا علي دخل مسجد فواحد مسك فرسه لحد ما يصلي ف سيدنا علي فكر فنفسه انه يديله اربع دراهم فالراجل طمع في سرج الفرس وسرقه وهرب .. فلما سيدنا علي طلع من المسجد وملقاش السرج نزل السوق يشتري سرج جديد فسأل علي تمنه لقاه اربع دراهم بردوا .. فقال سيدنا علي سبحان الله لولا لم يستعجل الرجل الحرام لاخذه بالحلال ، عشان كده لن تموت نفس قبل ان تستوفي رزقها رزقك هيجيلك هيجيلك لحد عندك سواء كان مال او شغل او جواز بس متستعجلش وتاخد رشوه او تحارب الناس في رزقها .. لانه يا اما هيضيع علي مرض او هتقل بركته .. تلاقي مثلا دخلك كبير بس طلبااتك اكتر ، وانتي ي بنت الناس متستعجليش علي عريس او تلبسي لبس ملفت او تتسهوكي لان اللي هيرضي بيكي كده هيبقي راجل مش تمام وهيشربك المر ، متستعجليش علي الخلفه ما يمكن يجيلك عاق ، ابويا ف يوم م الايام قالي اسعي ممكن تخبط علي 99 باب وميتفتحش والباب رقم 100 تلاقي فيه رزقك كله .. وساعتها هتستغرب جالك منين وازاي ، ساعتها بس تعرف ان ده كان رزقك ومتحوشلك .. الخلاصه ( وفي السماء رزقكم وما توعدون )
